Vreuger waas alles baeter.

.

Doe zeuks noa det geveul, woea is det geblaeve?
Det haatse toch aan ’t begin van dien laeve
Vreuger toen waas ’t 'r, noe busse ’t kwieët
Blief neet zeuke, det is verleeje tieëd!
.
Ich wins uch allemoal ’n Zalig Oetinj!



.
Waat waas de koffie vreuger lekker! Hae stjong de godganselikke daag op 't fornuus te pruttele en waerdje alsmer zwarter. Doabie waas d'r gloeiendj heit. Oma zaat ongertusse naeve det fornuus aerpele te sjelle. Ze haaj ut aan de veurkantj werm en aan de achterkantj ieskoad. In de wintjer moste wae de pomp aanmake om te kinne koake, wasse en koffezitte. Heit water kwaam auch van 't fornuus, oet eine moeër. 't Fornuus brandje op eierkoale of briekette. Die looge boeëte, jas aan, koalekit pakke en de koaj in. Waat waas 't unne sjoeëne tieëd. Vreuger waas alles veul baeter of neet soms!!